13.01.2023-cü
il tarixdə Xocalı rayon İHB-nın Meşəli kənd İƏD-si üzrə nümayəndəliyinin
2022-ci ildə görülən işlərə və qarşıda duran vəzifələrə həsr edilən illik
hesabat iclası keçirildi.

     Hesabat iclasında Xocalı Rayon İcra
Hakimiyyəti Başçısı Aparatının Ərazi idarəetmə və yerli özünüidarəetmə
orqanları ilə iş şöbəsinin müdiri Səxavət Hüseynov, Sosial-iqtisadi inkişafın təhlili
və proqnozlaşdırılması şöbəsinin müdir müavini Bəxtiyar Allahverdiyev, Meşəli kənd
İƏD-si üzrə nümayəndəliyinin əməkdaşları və Meşəli qəsəbə sakinləri iştirak
etdilər.

     Əvvəlcə hesabat yığıncağını aparmaq üçün sədr
və katib seçildi.

      Xocalı rayon İHB-nın Meşəli kənd İƏD-si
üzrə nümayəndəsi İlqar Kazımov hesabat məruzəsində bildirdi ki Meşəli  kənd 
nümayəndəliyi 14 ildir Goranboy rayon Meşəli  qəsəbəsində 
fəaliyyət  göstərir. Meşəli  kənd nümayəndəliyinin  əhalisi 
2  ədəd  təsərrüfat başına kitabında  qeydiyyata 
alınmışdır. Hazırda  nümayəndəlikdə  180 
ailə  659 nəfər sakin  var. Bunlardan kişilər 334 nəfər,
qadınlar  isə 325 nəfərdir. Meşəli kəndində
14 şəhid ailəsi və bir valideyinini itirən 10 ailə  var.         


Əhalinin
istifadəsində olan iri buynuzlu  mal-qaranın
sayı 146  baş təşkil edir. Ötən illə
müqaisədə arı ailələrinin sayı 855 arı ailəsindən 1004 arı ailəsinə yüksəlmişdir.
Sakinlərimizin  müəyyən hisəsi 17
ayr-ayrı rayonda  məskunlaşmışdır.

Nümayəndəlik  il  ərzində
10 əmr və  210 ədəd  arayış 
vermişdir. Nümayəndəliyə 8 müxtəlif məzmunlu məktub daxil olmuş, həmin  məktublar öz məzmunu əsasında
cavablandırılmışdır. Bizim  tərəfimizdən
28 məktub müxtəlif ünvanlara göndərilmiş və 
həllini  tapmışdır. 

Hesabat
məruzəsini dinləyən Xocalı Rayon İcra Hakimiyyəti Aparatının Ərazi idarəetmə və
yerli özünüidarəetmə orqanları ilə iş şöbəsinin müdiri Səxavət Hüseynov məruzəyə
münasibətini bildirdi.

Hesabat
yığıncağının sonunda sakinlər fərdi müraciətlərini etdilər.